အကြောင်းအရာ

ပုဂ္ဂိုလ်များ

ဆက်သွယ်ရန်၊

အယ်ဒီတာအဖွဲ့ အီးမေးလ်၊ pratujournal@soas.ac.uk

စာတိုက်မှပေးပို့ရမည့်လိပ်စာ၊ပရာတု အယ်ဒီတာအဖွဲ

c/o SAAAP Editorial Manager, Room 239

SOAS University of London

Thornhaugh Street, Russell Square

London WC1H 0XG

အယ်ဒီတာအဖွဲ့

ပန်ဂ အာဒီယန်ရှ (Panggah Ardiyansyah)

ဥဒုန်းလက် ဟွန်တရာကုလ် (Udomluck Hoontrakul)

ယူယန်း နူးယန် (Duyen Nguyen)

ဆိုနေတျာ ဆန်း (Sonetra Seng)

ဟိုက်ဒီ တန် (Heidi Tan)

ဘန် ရေးဖော့ဒ် (Ben Wreyford)

အကြံပေးအဖွဲ့

အက်ရှလေ သွော်မ်ဆန် (Ashley Thompson)၊ ဟီရန် ဒဗလူ၊ ဝုဝေါ့ဒ်၊ ပါမောက္ခဌာနမှူး၊ အရှေ့တောင်အာရှ အနုပညာ၊ အနုပညာနှင့် ရှေးဟောင်းသုတေသန သမိုင်းဌာန။

ခရစ်ရှန် လူဇန်းနစ် (Christian Luczanits)၊ ဒေးဗစ် အယ်လ်၊ စနဲဂရုဖ်၊ အကြီးတန်း ကထိက၊ တိဗက်နှင့်ဗုဒ္ဓအနုပညာ၊ အနုပညာနှင့် ရှေးဟောင်းသုတေသန သမိုင်းဌာန။

ခရစ်စပင် ဘရန်ဖွတ်ဖ် (Crispin Branfoot)၊ ပါမောက္ခ (စာတော်ဖတ်)၊ တောင်အာရှ အနုပညာနှင့်ရှေးဟောင်းသုတေသနသမိုင်း၊ အနုပညာနှင့် ရှေးဟောင်းသုတေသန သမိုင်းဌာန။

မှုဝါဒများ

၁။ အဓိကအကြောင်းအရာနှင့် ဘာသာရပ်နယ်ပယ်

ဂျာနယ်သည် ရှေးပဝေသဏီမှ မျက်မှောက်ခေတ်မတိုင်မီကာလအထိ အရှေ့တောင်အာရှ ဗုဒ္ဓဘာသာ နှင့်ဟိန္ဒူဘာသာဆိုင်ရာ အနုပညာနှင့်ဗိသုကာလက်ရာတို့၏ အသိအမြင်နှင့် ထိန်းသိမ်းရေးကို မြှင့်တင် ပေးသည့် မူရင်းသုတေသနများကိုပုံနှိပ်ထုတ်ဝေပါသည်။ SAAAP မှသတ်မှတ်ထားသည့်အောက်ပါ ဘာသာရပ်ကဏ္ဍများနှင့်ကိုက်ညီသော တက်သစ်စပညာရှင်များတင်သွင်းမည့် ဆောင်းပါးများကို ဂျာနယ်မှ ကြိုဆိုပါသည်။ ၎င်းတို့မှာ “လူသားတို့ ပြုပြင်ဖန်တီးထားသောသဘာဝပတ်ဝန်းကျင်၊ ရုပ်လုံးရုပ်ကြွ၊ ပန်းချီ၊ ပေစာ ပုရပိုက်စာ၊ အထည်အလိပ် နှင့် အခြားသော ထိတွေ့နိုင်သည့် သို့မဟုတ် မြင်တွေ့နိုင်သည့် သရုပ်ဖော် ပုံစံမျိုးစုံနှင့်အတူ၊ ၎င်းနှင့်နှီးနွယ်သော စာအရေးအသား နှင့် ရှေးဟောင်းသုတေသန၊ ပြတိုက် နှင့် ယဥ်ကျေးမှုနှင့်သက်ဆိုင်သည့် အမွေအနှစ်လေ့လာမှု” တို့ ဖြစ်သည်။

ပရာတု သည်သတ်မှတ်ထားသောခေါင်းစဥ်နှင့်သက်ဆိုင်သည့် ဆောင်းပါးများနှင့် ကွင်းဆင်းလေ့လာမှု အစီရင်ခံစာများအားရောနှောကာ နှစ်စဥ်စာစောင်အတွဲများစုဝေး၍ အလှည့်ကျပုံစံဖြင့်ထုတ်ဝေပေးပါသည်။ ရုံးသုံးဘာသာစကားမှာ အင်္ဂလိပ်စာဖြစ်သော်လည်း အရှေ့တောင်အာရှဘာသာစကားများဖြင့်တင်သွင်းသည့် စာတမ်းများကို လည်းအားပေးပြီး၊ ၎င်းတို့အတွက် ကျွမ်းကျင်သူပြန်လည်သုံးသပ်ဝေဖန်ခြင်း၊ ဘာသာပြန်ခြင်းနှင့် တည်းဖြတ်ခြင်းဆိုင်ရာ ဝန်ဆောင်မှုများပေးရန် ကြိုးပမ်းလျက်ရှိသည်။ အရှေ့တောင်အာရှဘာသာစကားများဖြင့်ပေးပို့သောစာတမ်းများကို မူရင်းဘာသာစကားအပြင် အင်္ဂလိပ် ဘာသာဖြင့်ပါထုတ်ဝေပေးမည်ဖြစ်ပါသည်။

၂။ ကျွမ်းကျင်သူ ပြန်လည်သုံးသပ်ဝေဖန်ခြင်း လုပ်ငန်းစဥ်

ကျွမ်းကျင်သူပြန်လည်သုံးသပ်ဝေဖန်ခြင်းသည် သင်၏စာတမ်းအားမထုတ်ဝေမီ သက်ဆိုင်ရာသုတေသန နယ်ပယ်၌ ကျွမ်းကျင်သည့်ပညာရှင်များဖြင့် အကဲဖြတ်သည့်နည်းလမ်းဖြစ်သည်။ ဤနည်းအားဖြင့် မူရင်းဖြစ်သော၊ သက်ဆိုင်ရာစာပေအတွက် စိတ်ဝင်စားဖွယ်ဖြစ်သော၊ ဘာသာရပ်နယ်ပယ်ကို အကျိုး ပြုသော၊ မူရင်းအရည်အသွေးပြည့်မီသည့်စာတမ်းများကို စိစစ်ထုတ်ဝေခြင်းဖြစ်သည်။ ပြန်လည်သုံးသပ် ခြင်းဖြင့် သင်၏စာတမ်းအတွက်အဖိုးတန်သော ဝေဖန်တုံ့ပြန်ချက်များရရှိမည်ဖြစ်ပြီး၊ မည်သည့်ပြင်ဆင် ဖြည့်စွက်မှုများ လိုအပ်သည်ကိုရှာဖွေရန် နည်းလမ်းကောင်းတစ်ခုဖြစ်သည်။

အယ်ဒီတာအဖွဲ့သည် စာတမ်းမူကြမ်းကို ဂျာနယ်၏အဓိကအကြောင်းအရာနှင့်ဘာသာရပ်နယ်ပယ် (အထက် တွင် ကြည့်ပါ) တို့နှင့်သက်ဆိုင်ခြင်းရှိမရှိကို အကဲဖြတ်ပြီးနောက်၊ ၎င်းစာတမ်းကို ငြင်းပယ်မည် (ထို့နောက် စာရေးသူကို ပြန်လည်တင်သွင်းရန်ကမ်းလှမ်းမည်) သို့မဟုတ် ကျွမ်းကျင်သူပြန်လည်သုံးသပ်ဝေဖန်ရန် အတွက်ပေးပို့မည် ဖြစ်သည်။

ကျွမ်းကျင်သူပြန်လည်သုံးသပ်ဝေဖန်ချက်အား အဆင့် ၂ဆင့်ဖြင့် ပြုလုပ်ပါမည်။

၁။ အယ်ဒီတာများသည် နှစ်ဦးနှစ်ဖက်အပြန်အလှန်မသိရှိနိုင်သည့် သုံးသပ်ဝေဖန်ချက်များအားပြုလုပ်ရန် သင့်လျော်သော ပညာရှင်အနည်းဆုံးနှစ်ဦးထံဆက်သွယ်ပါမည် (စာရေးသူနှင့်ဝေဖန်ချက်ရေးသူ နှစ်ဦးစလုံး အားအမည်မဖော်ပြပါ၊ တစ်ဦးနှင့်တစ်ဦးလည်းသိရှိမည်မဟုတ်ပါ)။ ဝေဖန်ချက်ရေးသားမည့်သူများသည် အောက်ပါ အချက်အလက်များကိုဖတ်ရှုစစ်ဆေးပါမည်။

မူရင်းဖြစ်မှု
သက်ဆိုင်သည့်စာပေများကို သိရှိနားလည်မှု
ပညာနှင့်အရည်အသွေး အဆင့်အတန်း
ဘာသာရပ်နယ်ပယ်အား အကျိုးပြုမှု
ရှင်းလင်းပြတ်သားမှု၊ စာရေးဟန် နှင့် တင်ပြမှု

ထို့နောက် ဝေဖန်ချက်ရေးသူများသည် အောက်ပါအချက်ငါးခုအနက်မှတစ်ခုကို အကြံပြုပါမည် – လက်ခံ မည်၊ အသေးစားပြင်ဆင်ဖြည့်စွက်မှုများဖြင့် လက်ခံမည်၊ အကြီးစားပြင်ဆင်ဖြည့်စွက်မှုများဖြင့် လက်ခံမည်၊ ငြင်းပယ်မည်၊ ငြင်းပယ်မည်နှင့် အခြားထုတ်ဝေမှုကိုအကြံပြုမည်။ စာတမ်းများအတွက် အချို့သော ပြန်လည်ပြင်ဆင်ဖြည့်စွက်ခြင်းနှင့် ပြန်လည်တင်သွင်းခြင်း လိုအပ်သည်မှာ ပုံမှန်ဖြစ်ပါသည်။ ၎င်းလုပ်ငန်းစဉ်တစ်လျောက်တွင် ပြင်ဆင်ဖြည့်စွက်ချက်များကို တစ်ဦးချင်းအလွယ်တကူ ရှာတွေ့နိုင်ပြီး စီမံခန့်ခွဲနိုင်ရန်အလို့ငှာ တည်းဖြတ်သူများက ဝေဖန်ချက်ရေးသူများ၏ မှတ်ချက်နှင့်ဖြည့်စွက်ချက်များကို အဆင်ပြေသော ကွန်ပျူတာအချက်အလက် မှတ်တမ်းပုံစံစီစဉ်ပေးခြင်းဖြင့် စာရေးသူအား အကူအညီ ပေးမည်ဖြစ်သည်။

၂။ တည်းဖြတ်သူများသည် ဝေဖန်ထားသည့်မှတ်ချက်များ နှင့်ပတ်သက်၍ စာရေးသူ၏မေးမြန်းချက်များကို လွယ်ကူချောမွေ့စေရန်လုပ်ဆောင်ပေးမည်ဖြစ်ပြီး၊ ထုတ်ဝေရေးအတွက် (တည်းဖြတ်ခြင်း၊ စာတမ်းဖွဲ့စည်းပုံ၊ ထုတ်ဝေခြင်း) စာတမ်းအားတရားဝင်လက်ခံခြင်းမပြုမီ အနည်းငယ်တည်းဖြတ် စစ်ဆေးခြင်းများ ပြုလုပ်ပါမည်။ သုံးသပ်ဝေဖန်ချက်များ အပြီးသတ်ရန် ၆ပတ်အထိကြာမြင့်နိုင်ပါသည်။ ဝေဖန်ချက်ရေးသူများသည် ၎င်းတို့၏အခြားသောအလုပ်ကတိကဝတ်များနှင့်အတူ ဤဝေဖန်ချက်ပေးခြင်း အလုပ်ကိုစေတနာဖြင့် အခမဲ့ လုပ်ဆောင်ပေးခြင်းဖြစ်သောကြောင့် အချိန်ကြံ့ကြာမှုရှိနိုင်ပြီး၊ စာရေးသူများ အနေဖြင့် ၎င်းတို့၏စာတမ်း အား အမြန်ထုတ်ဝေရန်လိုအပ်ပါက ယင်းအချက်အားထည့်သွင်းစဥ်းစားရန် အသိပေးလိုပါသည်။ ပြင်ဆင် ဖြည့်စွက်မှုအတိုင်းအတာပေါ်မူတည်၍ ၎င်းအတွက်သတ်မှတ်ချိန်သည် ပုံမှန်အားဖြင့် ၄ပတ် မှ ၆ပတ် ဖြစ်သည်။

၃။ မည်သူမဆိုအသုံးပြုနိုင်ခွင့်နှင့် မူပိုင်ခွင့် မူဝါဒ

ပရာတု သည်မည်သူမဆိုအသုံးပြုနိုင်ခွင့် (Open Access) မူအတွက် SOAS ၏ပံ့ပိုးကူညီမှုနှင့်အညီ၊ သုတေသန၊ သင်ကြားရေးနှင့် ကျယ်ပြန့်သောကမ္ဘာလုံးဆိုင်ရာအသိပညာဖလှယ်မှုတို့အတွက် အွန်လိုင်း အချက်အလက်တို့ကို လွတ်လပ်စွာဝင်ရောက်အသုံးပြုနိုင်ရန် လုပ်ဆောင်ပေးပါမည်။

ဆောင်းပါးများကို Creative Commons Attribution License (CC BY-NC 4.0) လိုင်စင်အရထုတ်ဝေ ပါသည်။ ၎င်းလိုင်စင်အရ လိုအပ်ပါကလက်ခံနိုင်သောခြွင်းချက်များဖြင့် အကြောင်း အရာအားလုံးကို မည်သည့်နည်းလမ်း၊ ပုံစံနှင့်မဆို မျှဝေခြင်း၊ ကူးယူခြင်းနှင့် ပြန်လည်ဖြန့်ဝေခြင်း တို့ကိုလုပ်ဆောင် နိုင်ပါသည်။ သရုပ်ဖော်ပုံများ၏ မူပိုင်ခွင့်အတွက် ပုံတစ်ခုချင်း၏စာသားများကိုကြည့်ပါ။ မူပိုင်ခွင့် သင်္ကေတ © ပါဝင်သောရုပ်ပုံများသည် Creative Commons လိုင်စင်တွင်အကျုံးမဝင် သောကြောင့် မူပိုင်ခွင့်ပိုင်ရှင်၏ ခွင့်ပြုချက်မရှိဘဲ ပြန်လည်ကူးယူထုတ်ဝေခြင်း မပြုနိုင်ပါ။ ပိုမိုသိရှိလိုပါက အောက်ပါဝက်ဆိုဒ်တွင် ကြည့်ရှုပါ။ https://creativecommons.org/licenses/by-nc/4.0/

အောက်ဖော်ပြပါ စည်းကမ်းချက်များကိုသဘောတူရန် ပရာတု သို့စာတမ်းရေးသားပေးပို့သူများကို တောင်းဆိုပါသည်။

ပရာတု သည် Creative Commons Attribution License အရစာတမ်းကိုပထမဆုံး ထုတ်ဝေခွင့် ရှိသော်လည်း စာတမ်း၏မူပိုင်ခွင့်သည် စာရေးသူထံတွင်သာရှိသည်။ အခြားသူများသည် စာရေးသူနှင့် ပထမဆုံးထုတ်ဝေသည့် ပရာတုဂျာနယ်အား အသိအမှတ်ပြုဖော်ပြပြီး၊ စာတမ်းကို မျှဝေနိုင်ပါသည်။
စာရေးသူများသည် ပထမဆုံးထုတ်ဝေသည့် ပရာတု ဂျာနယ်ကိုအသိအမှတ်ပြုပြီး၊ ဤစာတမ်းစာမူ ကို အခြားနေရာများတွင် လည်းထုတ်ဝေနိုင်ပါသည်။ သို့သော်ပြန်လည် ထုတ်ဝေလိုသည့် ရည်ရွယ်ချက်ကို ပရာတု ထံသို့ ကြိုတင်အသိပေး ရမည်ဖြစ်သည်။
အခြားသူများကိုးကားနိုင်ရန်နှင့် စာမူအပေါ် ထင်မြင်ယူဆချက်များ ပေးနိုင်ရန် (သို့မဟုတ်) ဖလှယ်နိုင်ရန် အတွက် စာရေးသူများသည် စာတမ်းတင်သွင်းထားစဥ်ကာလအတွင်း လက်ခံထားပြီးသော စာမူကို ဥပမာ – တက္ကသိုလ် သို့မဟုတ် အဖွဲ့အစည်းတခုခု၏ အွန်လိုင်း စာမျက်နှာတွင် ဒစ်ဂျစ်တယ်ကော်ပီ အနေဖြင့်တင်နိုင်ပါသည်။

အဆိုပါစည်းကမ်းချက်များသည် Open Library of Humanities ၏စည်းကမ်းချက်များနှင့်ကိုက်ညီပါသည်။ https://www.openlibhums.org/site/about/

၄။ စာရေးသူဝန်ခံကတိ

ကျွန်ုပ်တို့၏ထုတ်ဝေခြင်းမူဘောင်အရ ပရာတု နှင့်ထုတ်ဝေခြင်းဖြင့် အကျိုးစီးပွားပဋိပက္ခတစ်စုံတစ်ရာ မရှိကြောင်းကို စာရေးသူများမှ သိရှိအတည်ပြုရန်လိုအပ်ပါသည်။ စာရေးသူများ၏ သုတေသနသည် တရားမဝင်ရရှိထားသော ရှေးဟောင်းသုတေသနနှင့်သမိုင်းဝင်အနုပညာပစ္စည်းများကို ရောင်းဝယ်၊ ဖောက်ကားခြင်း အပါအဝင်၊ ရှေးဟောင်းသုတေသနအရသော်လည်းကောင်း ယဥ်ကျေးမှုအမွေအနှစ်အရ သော်လည်းကောင်း အရေးပါသည့်နေရာများကို လုယက်ခြင်း သို့မဟုတ် ပျက်စီးစေခြင်းစသည့် လုပ်ဆောင်ချက်များအား သိသိကြီးနှင့်ထောက်ခံရေးသားခြင်း သို့မဟုတ် ပါဝင်ကျူးလွန်ခြင်းများ မပြုလုပ်သင့်ပါ။ အောက်ပါစာရေးသူဝန်ခံကတိပြုလက်မှတ်ကို ပရာတုသို့စာတမ်းတင်သွင်းရာတွင် ပူးတွဲ ပေးပို့ရပါမည်။

စာရေးသူ ဝန်ခံကတိ (Burmese)

ဂျာနယ်ငွေကြေးအထောက်အပံ့နှင့် သက်ဆိုင်ရာအဖွဲ့အစည်း၊ တက္ကသိုလ်

ပရာတု အားအယ်လ်ဖာဝုဒ် (Alphawood) ဖောင်ဒေးရှင်း၏ရက်ရောသော ငွေကြေးထောက်ပံ့ပေးမှုဖြင့် Southeast Asian Academic Art Programme (SAAAP) မှကမကထပြုလုပ်ပြီးထုတ်ဝေပါသည်။

ပရာတု ကိုအနုပညာနှင့်ရှေးဟောင်းသုတေသနလေ့လာရေးသမိုင်းဌာနနှင့် SOAS လန်ဒန်တက္ကသိုလ် ရှိ SOAS အွန်လိုင်းသုတေသနရပ်ဝန်း တို့မှ ပံ့ပိုးကူညီပေးထားပါသည်။

(Burmese – About)