ပရာတု၊ ရှေးပဝေသဏီမှ မျက်မှောက်ခေတ်မတိုင်မီထိ အရှေ့တောင်အာရှ၏ ဗုဒ္ဓနှင့်ဟိန္ဒူအနုပညာ၊ ဗိသုကာ နှင့် ရှေးဟောင်းသုတေသန ဂျာနယ်ကို SOAS၊ လန်ဒန်တက္ကသိုလ်၊ ရှေးဟောင်း သုတေသနနှင့် အနုပညာသမိုင်းကြောင်းလေ့လာရေးဌာနမှ သုတေသနကျောင်းသား၊ ကျောင်းသူများနှင့် ဌာနရှိ ဆရာ၊ ဆရာမများ ပူးပေါင်း၍ စတင်တည်ထောင်ခြင်းဖြစ်သည်။ ဂျာနယ်အား အရှေ့တောင်အာရှ ပညာရပ်ဆိုင်ရာ အနုပညာအစီအစဥ် (SAAAP)က ကမကထပြု၍ အယ်လ်ဖာဝုဖောင်ဒေးရှင်း (Alphawood Foundation) ကငွေကြေးထောက်ပံ့ပေးထားခြင်းဖြစ်သည်။ ကျောင်းသား၊ကျောင်းသူ အယ်ဒီတာအဖွဲ့သည် SAAAP ၏ သုတေသနနှင့်ထုတ်ဝေရေးကော်မတီဝင်များနှင့်ဖွဲ့စည်းထားသော အကြံပေးအဖွဲ့နှင့် နီးကပ်စွာပူးပေါင်း လုပ်ကိုင်လျက်ရှိသည်။

ပရာတု သည်ရှေးပဝေသဏီမှ မျက်မှောက်ခေတ်မတိုင်မီကာလအထိ အရှေ့တောင်အာရှ ဗုဒ္ဓဘာသာနှင့် ဟိန္ဒူဘာသာတို့၏ မျက်မြင်နှင့်ရုပ်ဝတ္ထုဆိုင်ရာယဥ်ကျေးမှု သုတေသနအသစ်များကို တက်သစ်စ သုတေသီများက ထုတ်ဝေနိုင်ရန်ရည်ရွယ်သည့်ဂျာနယ်တစ်စောင်ဖြစ်သည်။ ဂျာနယ်၏တရားဝင်လုပ်ပိုင် ခွင့်သည် SAAAP မှချမှတ်ထားသည့်အတိုင်းဖြစ်ပြီး၊ “လူသားတို့ ပြုပြင်ဖန်တီးထားသော သဘာဝ ပတ်ဝန်းကျင်၊ ရုပ်လုံးရုပ်ကြွ၊ ပန်းချီ၊ ပေစာ ပုရပိုက်စာ၊ အထည်အလိပ် နှင့် အခြားသော ထိတွေ့နိုင်သည့် သို့မဟုတ် မြင်တွေ့နိုင်သည့် သရုပ်ဖော်ပုံစံမျိုးစုံနှင့်အတူ ၎င်းနှင့်နှီးနွယ်သော စာပေနှင့် ရှေးဟောင်း သုတေသန၊ ပြတိုက် နှင့် ယဥ်ကျေးမှုနှင့်သက်ဆိုင်သည့် အမွေအနှစ်လေ့လာမှု” စသည် တို့အကျုံးဝင်သည်။

ပရာတု ဆိုသည်မှာ အရှေ့တောင်အာရှ ဘာသာစကားအများစုတွင် ‘တံခါးပေါက်’ သို့မဟုတ် ‘ဝင်ပေါက်’ ဟု အဓိပ္ပါယ်ရပါသည်။ ကျွန်ုပ်တို့ပရောဂျက်အတွက် ၎င်းဝေါဟာရသုံးရသည့် အဓိကအကြောင်းအရင်းသည် ယင်းဝေါဟာရ၏ ရင်းမြစ်ပြောင်းလဲတိုး တက်လာခြင်းနှင့်သက်ဆိုင်သည်၊ ၎င်းမှာ အင်ဒိုအာရိယန်တို့၏ ကျော်ကြားသောဗိသုကာလက်ရာများအားအမည်ပေးရန်အတွက် ခမာစကားလုံးဖွဲ့စည်းမှုကို တိုင်(Tai) ဝေါဟာရ အသုံးအနှုန်းတွင် အသုံးချခြင်းသည် အရှေ့တောင်အာရှဗုဒ္ဓဘာသာနှင့်ဟိန္ဒူထုံးတမ်း စဥ်လာများ၏ ရှုပ်ထွေး နက်နဲသော သမိုင်းဝင်ဆင့်ကဲပြောင်းလဲမှုဖြစ်စဥ်ကို သက်သေခံလျက်ရှိသည်။ ကျွန်ုပ်တို့၏ ရည်ရွယ်ချက်  မှာ ကျောင်းသားဘဝမှသုတေသနသမားအဖြစ် အသက်မွေးဝမ်းကြောင်း နိုင်မည့်အဆင့်သို့ စတင် တက်လှမ်းချိန်၌ ပညာရပ်ဆိုင်ရာစာပေများရေးသားထုတ်ဝေရာတွင်  တက်သစ်စ သုတေသနသမားများ၏ ပထမဆုံးသော အတွေ့အကြုံများကို လွယ်ကူချောမွေ့စေရန်အတွက် အခွင့်အလမ်းနှင့် အကူးအပြောင်း နေရာတစ်ခုအဖြစ်ဆောင်ရွက်ပေးမည့် ဝင်ပေါက်တံခါးတစ်ချပ် အဖြစ်ပံ့ပိုးပေးရန် ဖြစ်သည်။ ထို့အပြင် အင်္ဂလိပ်ဘာသာဖြင့်ထုတ်ဝေခြင်းဖြင့် ပိုမိုကျယ်ပြန့်သော စာဖတ်ပရိသတ်ထံသို့ရောက်ရှိလိုပြီး၊ ကျွမ်းကျင် သူများ၏ဝေဖန်သုံးသပ်ခြင်းလုပ်ငန်းစဥ်မှ အကျိုးကျေးဇူး ရရှိလိုသည့် အရှေ့တောင်အာရှသုတေသီများ အတွက်လည်းရည်ရွယ်ပါသည်။ ဤနည်းအားဖြင့် ပရာတု သည်ပညာရှင်များ နှင့်သုတေသနအသစ်များကို ပိုမိုထိတွေ့ခွင့်ရစေပြီး၊ အဖွဲ့အစည်းအချင်းချင်းနှင့် နိုင်ငံတကာပူးပေါင်း ဆောင်ရွက်မှုများပိုမိုဖွံ့ဖြိုးတိုးတက် လာစေရန် အခွင့်အလမ်းပေးလျက်ရှိပါသည်။

(Burmese – Home)